يلا على المطبخ ~ ألذ كيكه هتعمليها ~ تعالى ورايا

السلام عليكم ورحمه الله وبركاته
يلا بينا على المطبخ
وحضرى الأتى
2 كوب دقيق
نصف كيلو لبن
1كوب سكر
2 بيضه
3 ملعقه كاكاوبودر
1 باكيت شيكولاته جلاكسى
ربع كوب زبيب أو مكسرات ( هذا الأختيار براحتك )
نصف كوب زيت ذرة
1 كيس بيكنج بودر
1 كيس فانيليا
1 ملعقه بيكنج صودا ( كربوناتو ) اللى بتحطيها على الملوخيه علشان تفور
صيننيه كبيره أو إثنان متوسطين
الطريقه

هتضيفى المكونات الجافه مع بعضها
والمكونات السائله هتضيفيها مع بعضها وتضربيها بالمطرب كويس قوى
وبعدين تضيفيها على المكونات الجافه وتقلبى بمضرب يدوى




انتظروا البقية

بعد ما تقلبى الخليط بالمضرب اليدوى عادى جدا
هتضيفى جزء شيكولاته وزبيب للعجينه
وتصبيها فى الصوانى وترشى على الوجه شيكولاته
وعلى الفرن فورا
وتخيلى بس 20 دقيقه
وتتركيها تبرد تماما قبل الأكل
إحذرى تقطيعها وهى ساخنه لآنها ممكن تفك من بعضها
وبعدها زوقيها وبألف هنا

الأن هتنقليها فى طبق تقديم وتزوقيها بصوص اللبن وصوص الشيكولاته
صوص اللبن
ا كوب سكر بودرة
3 ملعقه لبن بودره
2 ملعقه عسل نحل
2 ملعقه لبن حليب
وهتضربيهم كويس قوى وتضعيهم فى الثلاجه لغايه ما تبرد الكيكه
ممكن تاخدى كميه صغيره وتضعى عليها معلقه كاكاو
وبألف هنا يا جميلاتى

رأيكم إيه

تسلميلى وتسلملى عيونك الحلوين يا هوبا يا قمر
انتى علشان حلوه بتشوفى كل حاجه حلوه حبيبتى

تسلميلى يا ريم
أنا عملتها مره بالزبيب والشيكولاته
ومره بالشيكولاته بس
ومره بدل الزبيب مكسرات
ومره من غير أى حاجه خالص
هتعجبك إن شاء الله يا قمر
لآنها خفيفه قوى
يلا ورينا الشطارة

تسلم ادينك يا غدود
ان شاء الله اجربها