القيثارة
أهلا ومرحبا بكم معنا
بمنتدى القيثارة

تشيز كيك بالجلاكسي من مطبخ القيثارة

استعرض الموضوع السابق استعرض الموضوع التالي اذهب الى الأسفل

تشيز كيك بالجلاكسي من مطبخ القيثارة

مُساهمة من طرف قيثارة النيل في 2009-12-14, 11:50


[size=12]السلام عليكم ورحمه الله وبركاته
صباح الفل على عيونكم جميعاً
اليوم عملت لكم
تشيز كيك بالجلاكسى
المقادير بسيطة والوصفه سهله ومجرباها يجى 100 مره هههههههههههه
يلا أنتوا بس تابعونى
كل رد هيكون فيه صورة ومعاها الطريقه بالضبط
علشان ما تتلخبطوا وأنتوا بتنفذوها
وأكيد مش هسألكوا عن التقيم
بس هسألكوا عن الطعم ورأيكم فيها بعد ما تعملوها
يلا نبدأ بالمقادير

3 باكت بسكوت مارى الساده
1 كوب سكر بودرة
ا كيس بيكنج بودر
2 كيس فانيليا
نصف كوب دقيق
1 ملعقه قرفه مطحونه
1علبه دريم ويب أو نصف كيلو كريمة لبانى
2 علبه جبن كيرى 12 قطعه
يعنى المستخدم 24 قطعه جبن كيرى
6 بيضات الصفار لوحده والبياض لوحده
2 ملعقه سمن بلدى
2 شيكولاته جلاكسى
2 ملعقه عسل أبيض
2 ملعقه لبن بودرة
2 ملعقة نسكويك أو بودره الكاكاو
1 ملعقة زبدة
تابعونى فى الصور والطريقه واحده واحده

هتضربى البسكويت فى الكبه مع ملعقه سمن وملعقه نسكويك
وتفرشية فى الصينيه كويس وتحطيها فى الثلاجه لغايه ما تخلصى شغل الكيك
على فكره أنا مستخدمه صينيه بتفتح من الأجناب


هتضربى المقادير دى مع بعض كويس
1 كوب سكر بودرة
ا كيس بيكنج بودر
2 كيس فانيليا
1 علبه دريم ويب أو نصف كيلو كريمه لبانى
2 علبه جبن كيرى 12 قطعه
يعنى المستخدم 24 قطعه جبن كيرى
6 صفار بيض
نصف كوب دقيق


هتضربى بياض 6 بيضات ومعاه معلقه القرفه
لوحدهم


هتضيفى بياض البيض على الخليط الأول
وتضربيهم كويس


هتجهزى صوص الشيكولاته
2 شيكولاته جلاكسى
معاهم 2 معلقه عسل أبيض
و 2 معلقه لبن بودر و2 معلقه نسكويك
ومعلقه زبدة أو سمن لو مش عندك زبده
وتحطيهم فى طبق فى حمام مائى على النار وتقلبى


هتوزعى شويه من صوصو الشيكولاته على طبقه البسكويت الأول

هتقفلى الصينيه بورق الفويل وتضعيها فى صينيه أكبر وفيها شويه ماء
علشان تعمل حاجز للنار فى الفرن والبسكوين ما يتحرق منك
وتضيفى الخليط فى الصينيه


بعد ما تضيفى الخليط تضعى شويه شيكولاته بشكل عشوائى على وجه الكيك
وتدخيها الفرن بعد ما يكون حامى قوى تهدى النار على أقل درجه وتدخلى الصينيه لمده ساعه أو ساعه وربع
ما تتهورى ولا تستعجلى وتفتحى عليها علشان تطلع حلوه


طلعتى الصينيه من الفرن
أتركيها تهدى خالص بره فى الهواء العادى الأول


بعد ما تهدى خالص وزعى على الوجه باقى الشيكولاته ودخليها الثلاجه
حوالى ساعتين على الأقل
علشان لازم تتاكل بارده علشان تقدرى تقطعيها صح


[/size]

قيثارة النيل
مديرة المنتدى
مديرة المنتدى

عدد المساهمات : 455

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى